Andhiyaar

Aandhiyan chahein uthao,
Bijliyan chahein girao,
Zal gaya hai deep to andhiyar dhal kar hi rahega.
(1)
Roshni poonji nahi hai, jo tizori mai samaye,
Wah khillona bhi na, jiska daam har grahak lagaye,
Wah pasine ki hansi hai, wah sahidon ki umar hai,
Jo naya suraj ugaye jab tadap kar jhil milaye,
Ugg rahi lau ko na tonko,
Jyoti ke rath ko na roko,
Yeh subah ka doot har andhere ko nigal kar hi rahega,
Zal gaya hai deep to andhiyaar dhal ke hi rahega.
(2)
Hai jawani to hawa har ek ghoonghat kholti hai,
Tonk do to aandhiyon ki boli bolti hai,
Woh nahi kanoon jaane, woh nahi pratibandh manne,
Woh pahadiyon par badliyon si uchalti dolti hai,
Zal chandhi ka lapeto,
Khoon ka sauda sameto,
Aadmi har qaid se bahar nikal kar hi rahega,
Zal gaya hai deep to andhiyaar dhal kar hi rahega.
(3)
Waqt ko jisne nahi samjha use mitna pada hai,
Bach gaya talwar se to phool se katna pada hai,
Kyo na kitni hi badi ho, kyo na kitni hi kathin ho,
Har nadi ki raah se chattan ko hatna hi pada hai,
Uss subah se dosti kar lo,
Har kiran ki maang bhar lo,
Hai jaga insaan to mausam badal kar hi rahega,
Zal gaya hai deep to andhiyaar dhal kar hi rahega.

Mai kavita nahi kar pata hoon

Nadan bacche ki muskurahat ko shabdon mai chura nahi pata hoon,
Khidki se takte barish ki boondn se kagaz gila nahi kar pata hoon,
Sondhi si gilli mitti ki khusbo se dil ko nahi behla pata hoon,
Woh sath mai baithe doston ki baaton ko mann se nahi nikal pata hoon,
Woh sardi mai chai ki chuski lena par kissi ko kapkapa nahi pata hoon,
Woh beet gaye jo lamhe unko aankho ke mtoiyon se dho nahi pata hoon,
Mai kavita nahi kar pata hoon, mai kavita nahi kar pata hoon…….

Kurbani

Sambhal ke chal ayee bande ,
Liye kurbani ka sabab seene mai,
Raste to ta umar pukhta hi the ,
Kambhaqat manzille dagmaga jaati hai..

Tum se mehnga yeh bazzar !!

Abb kisi ki chah na karna,
Na kissi ka intezzar,
Mehnat karna aaj hi sikho,
Warna padegi waqt ki maar,
Socho tum kaise jiyoge,
Tum se mehnga yeh bazzar.

Do duwanni hath par rakhkar,
Na dekho tum sunhare khawab,
Roti mehngi padh jayegi,
Aur bhoonkh ki maar behisab,
Jab aante lage phad phadane,
Aur aankhon se neer ki dhar,
Tab ehsas sparsh karega,
Tum se mehnga yeh bazzar.

Chota baccha roega jab,
Aur mangega motor car,
Hath dikha ke jab daraoge,
Aur doge usko danth phatkar,
Dil sisak sisak ke tiraskar karega,
Tab ehsas sparsh karega,
Tum se mehnga yeh bazzar.

Jab maa baap ki aashon ka,
Kandhe par bhar padega,
Jab biwi ke sapno ko ,
Poora karne tu chalega,
Thokar lagegi kadam kadam par ,
Tanno se jina durbhar ho jayega,
Tab ehsaas sparsh karega ,
Tum se mehnga yeh bazzar.

Jeevan behti dhara hai,
Maut atal ek kinara hai,
Arthi ka bhoj sab par parta hai,
Aur tub hi to ang humara hai,
Kafan ki kimat jab pehchanega,
Lakidyon ka mole tab janega,
Tab har saans ruk ruk kar chalegi,
Aur padegi waqt ki maar,
Tab ehsaas sparsh karega,
Tum se mehnga yeh bazzar.

Aaeina

Aaeine ke dil mai bhi,
Unn ke husn ko dekhkar,
Yeh aarzoo to machalti hogi,
Aankhen to milli usko,
Kash ! jaban bhi mili hoti

Nasha

Damak raha tha phool sa mukhda,
Aankh mai nasha halka halka,
Aaj to unka aalam yeh tha,
Jaam ho jaise chalka chalka.

Nigah

Woh jammana bhi saazgar na tha,
Aur duniya bhi mujhko raas na thi,
Phir bhi teri nigah se pehle,
Zindagi itni udas na thi.

Tamanna

Milna kis kaam ka agar dil na mile,
Chalna bekaar hai agar manzil na mile,
Manzhdhar mai doob janna accha,
Uske ki nazar mai aake sahil na mile

TANHA

Jab ek tanha sard subah,
Mai anant sunya mai talashta,
Kabhi apne aap ko kabhi tumko,
Meri yaadein dur tak jaati hai,
Phir lautti hai takrakar,
Ghane khore ke saaye the unpar,
Aur osse ki chand boondein,
Bonndon mai dikhta chehra tera,
Mai boondon mai talashta,
Kabhi tumko kabhi apne aapko,
Tanha khada raha ... sirf tanha.. bas tanha